Ғайритабиий: 
Уилльям Бранхамнинг ҳаёти

Ғайритабиий:
Уилльям Бранхамнинг ҳаёти

Оуэн Жоргенсен

Ваҳийларни тушунтириш

51 БОБ

1950



1950 ЙИЛ АВГУСТИДА Уилльям Бранхам Огайо штати Кливлендда уйғониш йиғилишлари ўтказди. Қачонки мистер Боинг ― машиналар учун бамперлар ясаб, ўзига мол-дунё ортирган, ўша ерлик миллионер:

― Бранхам ака, мен ўйлайман, сизнинг Кливленддаги йиғилишларингиз ҳозирги вақтдан ҳам кўра кўпроқ муваффақиятга эга бўлиши мумкин эди. Сизнинг чодирингизга фақат 4000 киши сиғади. Қачонки шу ерлик одамлар ишдан уйига қайтади, тановвул қилишади ва у ерга келади, а чодир аллақачон узоқдан келганлар билан тўлган бўлади ва юзлаб шу шаҳарнинг одамлари у ёққа киролмайдилар. Агар сиз шаҳар тадбирлари учун аудиторияга кўчиб ўтсангиз, анча яхши бўлади. Ўшанда ҳаммани ўтирғизса бўлади. Мен нархини билдим: бу аудиторияга бир оқшомга 1900 доллар бўлар экан. Агар сиз ўша ёққа ўтсангиз, мен ҳаммасини тўлайман.

Билли мулойимгина, бироқ қатъий жавоб берди:

― Боинг ака, сиз агар ўша аудиторияда бутун йил учун йиғилиш ўтказишга пулини тўлаганингизда ҳам у ёққа, токи Худо менга ўтишни буюрмагунича ўтолмас эдим. Ҳозирги вақтда мен бу биродарлар билан чодирда яна уч кун йиғилиш ўтказишга шартнома тузганман ва мен шартномамни шартларини бажаришга мажбурман.

Мистер Боинг қуйидаги таклифни қилди:

― Қачонки бу йиғилишларни тугатасиз, сизда кейинги кампанияни бошлаганингизгача бир неча бўш кунларингиз бўлади. Нима учун энди сизга ҳеч бўлмаса битта кечки йиғилишни ўша аудиторияда, Кливленддан кетишингиздан олдин ўтказишингиз мумкин эмас?

― Мен бу ҳақда ибодат қиламан ва сизга, Раббий менга нима дейишини хабар қиламан.

Кейинги эрталаб Билли хизматчилар учун нонушта вақтида фахрли меҳмон бўлишлик олдида турган эди. Меҳмонхонага кўк “Кадиллак” келди ва Билли билан Гордон Линдсейни ресторанга этиб қўйди. Ҳамма нонушта қилиб ва тарелкаларини суриб қўйишганларида, бу хизматчилар Биллидан ваҳийни зоҳир бўлиш жараёнини уларга тушунтириб беришини сўрадилар.

― Ваҳийни тушунтириш мушкул, ― деди Билли, ― аммо мен сиз тушунишингиз учун ўзим томонимдан ҳамма қўлимдан келганини қиламан. Сиз ҳаммангиз платформада Раббий менга қандай ваҳий берганини кўрдингизлар; сизлар Худо қандай қилиб ҳар хил сирларни очишини кўрдингизлар ва ҳар бир шунақа сирларни очиш юз фоиз тўғридир. Сиз шубҳасиз мени ҳолдан кетишимни пайқагансиз, а бу эса мен ҳар оқшом шахсан хизмат қиладиган одамларнинг миқдорини чегаралайди. Бу ҳаммаси Каломга мос келади. Эслайсизми, қон тўхтамасликдан қийналган аёлни Исони кийимига текканида, У Ўзидан яхши хислат чиққанини сезганини айтди? Яхши хислат ― бу куч. Ўша аёлни имони уни Исодан тортиб олди.

― Ўша Исо бугун биз билан бирга турибди. Айнан У бу барча кечқурунги йиғилишларда шифолашни амалга оширади. Бу ҳақиқатан тўғри, Худо менга ваҳий кўриш инъомини берган ― бу ҳақиқат, бироқ у ерда, платформада ҳақиқатан ҳам сизнинг Худодан тортаётган имонингиз ваҳийни чақиради. Мен ўзимни Худога ишониб топшираман, холос, ва бир неча бор, ҳатто мен нима гапираётганим ҳақида ҳеч нарсани англаёлмаётган пайтда ҳам, Муқаддас Руҳ мен орқали гапирган. Бироқ одамлар тегилганлари менга эмас. Улар имон билан Олийруҳонийга, Исо Масиҳга, худди ўша қон оқаётган аёл Унга тегилгани ва шифолангани каби тегиладилар.

― Уйда ёки ёлғиз бўлганимда ҳам Худо менга ваҳийлар беради. У ё мени маълум бир жойга нимадир қилишга юбориши мумкин, ёки У менга келажакда бўладиган ниманидир кўрсатади, ― ва ҳар сафар бу нарса менга ваҳийда кўрсатилганидек, жуда аниқ бўлиб ўтади. Шуниси қизиқки, бунақа ваҳийлар мени заифлаштирмайди. Баъзида улар бир соатга чўзилиши мумкин, лекин мен улардан чиққанимда, мен одатда ўзимни тетик ва кўтаринки руҳда ҳис этганман.

― Шундай қилиб айрим ваҳийлар мени мустаҳкамлайди, а бошқалари ― заифлаштиради. Нима учун энди шундай? Нима ҳам деяр эдик, худди шу нарса Раббимиз ҳаётида бўлганини мен топдим. У Лазарнинг ўлимдан қайта тирилишини ваҳийда кўрди, ва ушбу ваҳий Уни ҳеч қанча заифлаштирмади187. Аммо қачонки у аёл Унинг этаги четига текканида ва қон кетишидан шифоланганида, У куч кетганини айтди. Биринчи ҳолатда, Худо Ўзининг инъомини ишлатди, а бошқа сафар бўлса, аёлнинг ўзи Илоҳий инъомдан тортди.

187 Юҳанно 11

― Умид қиламанки, сизлар мен кўрсатаётган қиёслашни тушунасизлар. Мен бор инъом Исо Масиҳда бор бўлган инъомдек шунчалик буюк деб айтмайман, зеро Унда, Худонинг бутун борлиғи тўла-тўкис Масиҳ вужудида мавжуддир188. Шунга қарамай, бу Ўша Исонинг Ўзи, ўша ишларини амалга ошираётган. Тушуняпсизми, У Босворт аканинг сўзлари бўйича, океаннинг ҳамма сувидир. Менда бўлган инъом бўлса, бор-йўғи бу океандан бир қошиқ сувдир; бироқ, океанда бўлган ўша кимёвий элементлар ва минераллар шу бир қошиқ сувда ҳам мавжуддир.

188 Колосаликларга 2:9

― Буни бошқача тасвирлашга менга ижозат беринг. Келинглар фараз қилайлик, сизлар ва мен кичкина болалармиз-у, циркка бориб томоша қилгимиз келди, аммо бизда тўлаб кириш учун пул етарли эмас эди. Шу учун бизлар билдирмайгина орқа томонга, тўсиқ орқали қараш учун ўтдик. Афсуски, тахта девор биз иккаламиз учун ҳам баландлик қилади ва биз унинг устидан қараёлмаймиз. Биз нима қилишимиз керак? Фараз қилайлик, мен сиздан баландроқ. Мен сакрашим мумкин, деворнинг устки қисмидан ушлашим ва деворнинг юқорироғида бўлган шохнинг кўзи ўрнидаги тешигидан қараш учун қўлларимда етарлича баландликка тортилишим мумкин. Сиз мендан нимани кўраётганимни сўрайсиз ва мен сизга жирафани, уни дарахт баргларини юлаётганини ва еяётганини айтаман. Тез орада менинг қўлларим чарчаганидан, дам олишим учун мен девордан тушишга мажбурман. Сиз мендан яна нималар кўрганимни сўрайсиз, аммо менда у ерда яна нималар бўлаётганини қарашга вақтим етмай қолган эди, шу учун мен яна деворга сакрайман, осиламан ва яна қарайман. Мен токи бутунлай кучим қолмагунича, бор-йўғи қанчадир вақтга ушланиб туришим мумкин. Қачонки одамлар мендаги ваҳий кўриш инъомидан фойдаланганларида ҳам, ҳар кечқурун платформада айнан шундай бўлади.

― Энди рухсат беринг менга, қачонки Худонинг Ўзи бу инъомни ишлатганида, қандай бўлишини тушунтириб берай. Шу цирк мисолида муҳокама қилишни давом этиб, келинг, фараз қилайлик, бизнинг ёнимизга циркнинг директори келади ва биздан бу ерда нима қилаётганимизни сўрайди. У дейлик, хушмуомала ва тушунадиган одам, шу учун у менга: “Кел-чи, мен томошаларни яхшилаб кўришинга ёрдам бераман”, ― дейди. Ўзининг катта-катта бақувват қўллари билан у мени бошим то девордан баланд бўлмагунича кўтаради. Энди-ку, мен атрофдаги ҳамма нарсани яхшилаб кўриб биламан. Мен шерларни, арслонларни, филларни ва масхарабозларни кўра оламан. Мен бутун циркни кўролмайман, аммо мен ўшандагидан, қачонки мен тахтадаги шохнинг кўзи ўрнидаги тешиги орқали қараганимдан кўра анча кўпроқ кўриб билдим. Бунинг устига, мен ҳеч қанча ҳам чарчамадим, чунки у мени у ерга кўтарди. Мана, бу қандай содир бўлади, қачонки Худо бу инъомни ишлатади.

― Шундай қилиб, Худо бизнинг ҳир биримизга инъомлар берди. Эҳтимол, сиз воиз ёки ўқитувчисиз. Мен улардан бирига жуда ҳам тегишли демайман; менинг инъомим ― бу ваҳий кўриш. Бизнинг ҳар биримизда ҳар хил хизматларга истеъдод бор, бироқ биз ҳаммамиз катта бир Тананинг қисмларимиз. Ва бу инъом билан нима қилиш керак бўлади экан? Улар қандайдир одамни ёки қандайдир ташкилотни улуғлашлари керакми? Асло! Улар Исо Масиҳни кўкларга кўтаришлари керак ва фақат биргина Уни.

Нутқини тугатиб, Билли стол атрофида кофесини ичиб ва бир неча янги дўстлари билан, улар қаторида мистер Боинг бор эди, узоқ вақт суҳбатлашиб ўтирди. Бир украин-хизматчи Биллидан сўради:

― Сизни тушунтиришларингиздан кейин мен ваҳийни яхшироқ тушундим, аммо мени ҳалиям айрим жиҳатлари қизиқтиради. Ваҳий зоҳир бўлган вақтда, сиз нимани кўрасиз? Бу тушдагидек хира, ноаниқ бўладими?

― Йўқ, мен кўрадиганим биллурдек тоза, гўё мен ҳақиқатан ҳам ўша ердаман ва қайси бир воқеа амалда, чиндан ҳам қай тарзда бўлиб ўтаётганини кузатаман.

― Бу қандай бўлишлиги мумкин?

― Худо ҳамма нарсага қодир. Ўтмиш ва келажак У учун ҳозиргидагидек, шунчалик реал. Унутманг, вақт ― Худо яратган бир нарса. У вақтдан устун. Мана, У қандай қилиб бошидан охирини билиши мумкин. Унда қандай қилиб Библияда шунча башоратлар бўлади, қайсики бажарилди? Унда қандай қилиб пайғамбарлар бўлади, қайсики ўтмишга ҳамда келажакка қараб билганлар?

― Бу анча тушунарли бўлди. Мен платформада ваҳийларнинг намоён бўлишини кўрдим, аммо сиз айтаяпсизки, бир ўзингиз ёлғиз қолганингизда ваҳийлар кўраман деб. Ўшанда Раббий сизга нималарни очади?

― Сиз билиб олишингиз учун, мен сизга мисол келтираман. Ўтган оқшом мистер Боинг мени Кливлендда бир кунга қолишимни, шаҳар аудиториясида йиғилиш ўтказишимни илтимос қилди. Мен унга, бу ҳақида ибодат қилишимни ва жавоб беришимни айтдим. Бугун эрталаб Раббий менга нима қилишимни билишим учун ваҳий кўрсатди. Бугун эрталаб эгизак қизчаларни қўлларидан ушлаганча, кўчани кўсиб ўтаётган аёлни кўраман. Иккала қизча ҳам чормоки юбкачада ва уларнинг сочлари биттага ўриб қўйилган бўлади. Бу мен учун биринчи белги бўлади. Кейин, гарчи мен бу нонуштага кўк машинада келган бўлсам ҳам, бу ердан қизил машинада кетаман. Қачонки биз кўчага машинада чиққанимизда, бизнинг олдимиздан иккита аёл узун кечки кўйлакда ўтишади. Қачонки бу учала аломат бўлиб ўтади, шунда мен биламан, Худо менга Кливлендда ўша аудиторияда яна битта хизмат ўтказишга рухсат беради.

Улар яна қарийб бир соат гаплашиб ўтирдилар. Ниҳоят, Гордон Линдсей уларнинг столига келди-да:

― Бранхам ака, нима деб ўйлайсан, бизга ҳозир меҳмонхонага қайтиш махали бўлмадимикин? ― деди.

― Вақти бўлди, деб ўйлайман.

Костюмини олиш учун олдинга эгилиб, у деразага қаради.

― Жентльменлар, у ёққа қаранг-чи. Сиз уларни кўряпсизми?

Ҳамма ўша томонга қаради. Қўшни кварталда аёл эгизак қизчаларни қўлидан ушлаб, кўчадан ўтаётган эди; уларнинг иккаласи ҳам, аниқ уларни кўринишини Билли айтиб бергандай кийинган эди: чормоки юбкалар ва соч ўрими шамолда тебранаётган эди. Мистер Боинг хўрсиниб қўйди ва:

― Биттаси амалга ошди; иккитаси ҳали олдинда, ― деди.

Гордон Линдсей деди:

― Боинг ака, бизни бу ерга олиб келган одам уйига эртароқ қайтиши керак эди. Сен бизни орқага, меҳмонхонага элтиб қўёлмайсанми?

― Албатта, Линдсей ака, жоним билан. Бранхам ака, мен машинам қизил-ку, ахир!

― Мана, ўзи иккитаси амалга ошди, ― деди Билли. ― Энди сиз фақат кузатиб туринг; учинчи белги умуман узоқда эмас.

Олти эркак қизил “Кадиллак”ка тиқилишди. Мистер Боинг машинани ўт олдирди. Ресторан ёнидаги автотураргоҳ кўчага бир томонлама ҳаракат билан ўтиб қўшилар эди. Тўғри томонга кетиш учун, мистер Боинг машинасини чапга буриши керак эди, а у бўлса ўнгга бурди. Бурчакда отлиқ полициячи тўхтатди.

Мистер Боинг деразасини очганида, бу полициячи унга худди у ўспирин жиноятчидай шунақанги ўдағайладики.

― Шундай ҳам хато қила туриб, сиз мен Кливлендликман, демоқчимисиз! Буни кечириб бўлмайди!

― Пушаймонман, констебль, ― мистер Боинг кечирим сўрай бошлади. ― мен ўйлайман, бирор бошқа нарса ҳақида ўйлаб қолганман.

Полициячи машинани бир неча дақиқага ушлаб туриб, мистер Боингга қаттиқ лекция ўқиди. Шу ерда бурчакдан узун кечки кўйлак кийган иккита ёш аёл чиқди. Қачонки бу иккита аёл машина ёнидан ўтаётганларида, Билли мистер Боингнинг елкасига туртиб:

― Биродар, қара, ― мана улар ўтаяпти, ― деди.

Полициячи унга танбеҳ бергани ҳақида умуман унутиб, мистер Боинг қўлларини кўтарди ва қичқирди: “Худога шукур! Аллилуйя! Аллилуйя!..” Унга украин-хизматчи қўшилди: “Раббийга Шон-шараф! Раббий Исога Шон-шараф!” Кейин у бегона тилда гапира кетди.

― Сизлар жинни бўп қолибсизлар! ― полициячи ўкирди. ― Йўқолинглар ёнимдан.

Ҳозир унга берилган Худонинг ижозати билан, 1950 йилнинг ўша август оқшомида Билли Кливлендда яна битта йиғилиш ўтказди ва жамоат тадбирлари учун шаҳар аудиториясини Исо Масиҳ қудрати орқали озод бўлиши ҳақидаги унинг ваъзини эшитиш учун 12 000 дан кўп одам тўлдирди.

Кливленддаги кампаниясини тугатганидан бир неча ҳафта ўтиб, Уилльям Бранхам поездда Аризона штати, Финиксга жўнади. Унинг поезди Теннесси штати, Мемфисда қисқагина тўхтаб турди ва Билли бутерброд харид қилиш учун чиқди. Мемфис вокзали келувчи ва кетувчи одамлардан тўлиб кетган эди. Одамлар орасидан ўтаётиб, Билли унинг томонига багаж аравачасини итариб келаётган қизил униформадаги темир йўл ходимини кўриб қолди. Қачонки бу ёш негр бошини кўтариб, Биллини кўрганида, у йигитнинг юзи ҳайронликдан ёришди. Аравачасини қолдириб, у Биллига қараб чопиб келди ва ҳаяжондан шошилиб гапира кетди:

― Парсон Бранхам! Парсон Бранхам!

У Биллининг қўлларини ушлаб олди ва қизғин силкита бошлади.

― Қойил, парсон Бранхам!

Билли йигитга қараб, “Эҳтимол, менинг йиғилишларимда бўлгандир”, ― деб ўйлади.

― Парсон Бранхам, мени танимаяпсиз, ҳа?

― Шунга ўхшайди, ўғлим.

― Эслайсизми, олти ойча бурун самолтингиз Мемфисда ушланиб туришига мажбур бўлганди? Эслайсизми, ўлим ёқасидаги йигитни, у учун сиз ибодат қилгандингиз?

― Хўш сен ўша...?

― Ҳа, сэр, бу мен ўша-ку! Мен нафақат шифоландим, лекин мен ҳозир Масиҳчиман.

Билли, қачонки у ўз кўзи билан ибодатларининг натижаларини кўрганида, унинг хизмати орқали ёрдам кўрсатилган одамларни учратганида, ҳар доим қониқиш сезар, мамнун бўлар эди.

Кейинроқ, 1950 йил кузида, Билли қалбига чуқур таъсир қилган иккита хат олди. Биринчи хат унга 1932 йил декабрида хизматчиликка қўл қўйган собиқ пастори, баптистлар воизи ― доктор Рой Дэвисдан келган эди. Бу хат шахсан Биллига эмас, лекин Гордон Линдсейга, бу хатни “Шифолаш Овози” журналида босиши учун илтимос билан бирга юборилган эди. Доктор Дэвис олдинроқ Билли ва унинг хизматига нисбатан танқид қилгани учун жамоатчилик олдида очиқ кечирим сўрашни истар эди.

Билли ўйланқираб, бу хатни ўқиб чиқди. У фикран ўша 1946 йил майига қайтди... У шошиб-пишиб, пасторлик уйига, доктор Дэвисга, у бутун дунё одамлари учун Илоҳий шифоланиш инъомини намоён қилишни унга топширган Фаришта ҳақида айтиш учун борган эди. Билли доктор Дэвисни бу ғояни устидан кулганини эслади:

― Билли, сен кеча кечқурун нонуштага нима егандинг?

Билли унга ўта жиддийлик билан:

― Доктор Дэвис, мен бунақа фикрга умуман аҳамият бермайман. Агар мен сизга керак бўлмасам, у ерда мен керак бўладиганлар топилади. Худо мени юборди ва мен бораман,― жавоб берди.

Катта хизматчи унинг устидан кулди:

― Яхши, Билли, боравер, буни бутун дунёга бориб тарқат. Бу билан сен қанча узоққа бораркансан, мен кейин кўраман.

Энди бўлса, Биллининг кўз ўнгида пичинг, аччиқ киноя учун кечирим сўралган хат ётар эди. Доктор Дэвис ёзган эди: “Агар мен самимийроқ бўлганимда ва Библияни кўпроқ ғайрат билан ўқиганимда эди, мен ваҳийлар ва Худо қудрати тўғрисида кўпроқ тушунган бўлар эдим”.

Иккинчи хат Жанубий Африкадан келганди. Флоренс Найтингейл Шёрло, Лондонда шифоланган аёл, ҳозир ўзининг гувоҳлигини юборган бўлиб, унда ошқозон ракидан жуда тез яхши бўлаётгани ҳақида батафсил тушунтирган эди. Ўтган ярим йил ичида унинг вазни 25 килограммдан 75 килограммгача ошган эди. У конвертга бу билан – бу ҳақиқатга тўғри келмайдиган нарсани яққол кўрсатиш учун, ўзининг яқинда тушган суратини солиб юборган эди. Ҳайратга тушганидан, Билли бу суратга тикилиб қолди. У умуман ўша аёлга тўғри келмасди. Суратда у катак гулли кўйлакда бўлиб, қўлида аёлларнинг катта сумкасини кўтариб, кўчада турган эди.189 (№24 Сурат) Унинг қўллари, оёқлари ҳатто юзлари шунчалик тўлишган эдики, апрель ойида бир оёғи билан гўрда эди ― шуни билмаганида шубҳасиз, ― Билли ҳеч қачон билолмас ҳам, танимас ҳам эди.

189 Бу суратнинг нусхаси “Пайғамбар Уилльям Бранхам Жанубий Африкага боради” деб номланган, Юлиус Стедсклю ёзган китобнинг 51-саҳифасида ҳам бор.

Билли ўша туманли апрель тонгида айтган ибодатини эслади: “Раббий, агар Сен бу аёлни шифоласанг, буни мен, Сен мени Жанубий Африка, Дурбанда шифолашлар кампаниясини ўтказишимни хохлаганлигинг белгиси сифатида қабул қиламан”. Энди у қўлида ўша ибодатининг тасдиғи ― бутунлай соппа-соғ Флоренс Найтингейл Шёрлонинг оқ-қора фотосуратини тутиб турар эди. Билли администраторига қўнғироқ қилди ва ундан Жанубий Африка кампаниясини ташкил қилишини сўради. Жанубий Африка Миллий Черковлар Советидан мажбурият олиш учун Эрн Бакстернинг кўп вақти кетмади. Бу кампанияни ўтказишни дастлабки санаси 1951 йилнинг ўртаси қилиб белгиланди.

Билли ҳаяжондан ловуллар эди. Худо уни Дурбан, Жанубий Африкага боришига шундай шов-шув билан чорлаганидан, бунинг кетидан, шубҳасиз, мўъжиза ва аломатлар келиши керак эди. Кейин бир куни Билли Аризона штати, Шривпортда ваъз қилаётганида, Муқаддас Руҳ унга: “РАББИЙ ШУНДАЙ ДЕЙДИ: “Ҳушёр бўл. Иблис сен учун Африкада тузоқ қўйди”.” Биллинин у ерда унга қандай тузоқ бўлади, таажжубда қолдириб, Руҳ фақат шунигина айтди.



Up